दीपेन्द्रको टोलीसँग सन्दीपको टोली ९० रनले पराजित

काठमाडौं– विराटनगर किंग्सविरुद्ध सानदार जीत निकाल्दै सुदूरपश्चिम रोयल्सले नेपाल प्रिमियर लिग (एनपीएल)मा सुखद सुरुआत गरेको छ ।

मंगलबार एनपीएलको पहिलो खेलमा ९० रनको जीत निकाल्दै सुदुरपश्चिम रोयल्सले सुखद् सुरुवात गरेको हो ।

पहिले ब्याटिङ गरेको सुदूरपश्चिमले १८३ रनको विशाल लक्ष्य विराटनगर किंग्ससामू प्रस्तुत गरेको थियो । तर विराटनगर किंसले १६.१ ओभरमा सबै विकेट गुमाउँदै ९२ रनमा समेटियो । विराटनगरका बसिर अहमदले २४, निकोलस किर्टोनले १५,क्रिस सोलेले १० र अनिल खरेलले १० रन बनाए । अरुले दोहोरो अंकमा रन जोड्न सकेनन् ।

सुदुरपश्चिमका अविनाश बोहोरा र स्कटले तीन÷तीन, ब्रान्डन, इशान पाण्डे र सैफ जैबले एक/एक विकेट लिए ।

यसअघि टस हारेर ब्याटिङको निम्तो पाएको सुदूरपश्चिमले कप्तान दीपेन्द्र सिंह ऐरीको आक्रमक ब्याटिङमा १८२ रन बनाएको थियो । कप्तान ऐरीले अन्तिम दुई बलमा लगातार छक्का प्रहार गरेर अर्धशतक पार गर्दै सानदार फिनिसिङ गरे । २४ बलमा उनले अविजित ५७ रन बनाए । उनले ३ चौका र ५ छक्का प्रहार गरे ।

सुदूरपश्चिमले ७ विकेटको क्षतिमा १८२ रन बनाएको हो । कप्तान ऐरीले ५७, ब्रान्डनले ३६, बिनोद भण्डारीले २३, इशान पाण्डेले २१, सैफ जैबले १४, स्कटले १० रन बनाए ।

विराटनगरका लागि अनिल खरेलले तीन, क्रिस सोले, इस्मत अलाम र बसिर अहमेदले एकरएक विकेट लिए ।