काठमाडौं– नेपाल प्रिमियर लिग (एनपीएल) मा जनकपुर बोल्ट्सले लुम्बिनी लायन्सविरुद्ध १ रनको सनसनीपूर्ण जित हासिल गरेको छ ।
जनकपुर बोल्ट्सले दिएको १३७ रनको लक्ष्य पछ्याएको लुम्बिनीले निर्धारित २० ओभरमा ८ विकेट गुमाउदै १३५ रन मात्र बनाउन सक्यो । अन्तिम बलमा २ रन लिन नसक्दा लुम्बिनी पुनः पराजित हुन पुगेको हो ।
लुम्बिनीका कप्तान रोहित पौडेलले सर्वाधिक ३५ रन बनाए । टम मुर्स ३१, अर्जुन साउदले २०, सन्दीप जोराले १६ रन जोडपनि जित दिलाउन सकेनन् । बलिङमा जनकपुरका हर्ष थाकरले सर्वाधिक ५ विकेट लिए ।
यो हार लुम्बिनीको लगातार चौँथो हार हो । यो हारसँगै लुम्बिनीको प्लेअफमा पुग्ने संभावना कमजोर बनेको छ । उता जनकपुर बोल्डसले भने लगातार चार खेलमा जीत निकालेको छ ।
त्रिवि क्रिकेट मैदानमा टस हारेर पहिला ब्याटिङ गरेको जनकपुरले निर्धारिध २० ओभरमा ९ विकेट गुमाएर १३६ रन बनाएको थियो । जनकपुरका लागि कप्तान अनिल साहले सर्वाधिक ४५ तथा लाहिरु मिलान्थाले २७, शुभ कंसाकारले २२ र आसिफ शेखले १६ रन जोडे ।
लुबिनीका लागि अभिशेष गौतमले तीन विकेट लिँदा कप्तान रोहितले र साद बिन जफरले २÷२ विकेट लिए ।
प्रतिक्रिया