कर्णाली याक्सका स्टार खेलाडी, शिखर धवन: जसले बढाए एनपीएलको उचाई

दिपक गिरी
काठमाडौं, – कर्णाली याक्सको लागि नेपाली प्रिमियर लिग एनपीएल २०२४ को ४ खेलमा सोचे जस्तोप्रदर्शन गर्न नसकेपनि भारतीय क्रिकेट स्टार शिखर धवनले नेपाली क्रिकेटमा नयाँ उचाइ थपेका छन्।

कर्णाली याक्ससँगको साझेदारीपछि नेपाली प्रिमियर लिग खेल्न आएका शिखर धवनले आफ्नो क्षमता र अनुभवलाई कर्णाली याक्सको टीममा प्रस्तुत गर्दै याक्सलाई एनपीएल २०२४ मा एक सशक्त प्रतिद्वन्द्वीको बाटो देखाएका छन् । हाल भने धवन भारत पुगीसकेका छन। कर्णाली याक्सले ४ खेलको सम्झौता गरेको थियो । खेल बाहेक पशुपतिनाथ तथा एभरेस्ट बेस क्याम्प भ्रमण गराएको थियो।

भारतीय क्रिकेट टीमका अनुभवी ओपनर शिखर धवन, जो एकदिवसीय ओडीआई र टेस्ट क्रिकेटमा आफ्नो सशक्त उपस्थिति कायम राख्छन। र कर्णाली याक्ससँगको साझेदारीमा ठूलो भूमिका निभाए । उनले आफ्नो लामो अन्तर्राष्ट्रिय करियरमा भारतको लागि २०० भन्दा बढी एकदिवसीय खेल खेलेका छन् र एकदिवसीय क्रिकेटमा ६ हजार रनको जोडेका छन्। शिखर धवनको अनुभव र क्रिकेटको रणनीतिमा दक्षता कर्णाली याक्सको लागि ठूलो सम्पत्ति बनेको छ। एनपीएल २०२४ मा कर्णाली याक्समा आबद्ध हुदा धवनले आफ्नो खेलको रणनीतिका साथ-साथ आफ्नो टोलीका युवा खेलाडीहरूको मनोबल पनि उच्च राख्न सफल भएका छन्।

धवनको बलियो पक्ष भनेको उनको आक्रामक ब्याटिङ् शैली हो। उनले ओपनिंग गर्दै आएको आक्रमक खेलको कारण भारतको क्रिकेट इतिहासमा एक प्रभावशाली स्थान बनाएका छन्। शिखर धवनको बलमा शानदार टाइमिङ र रोटेटिंग स्ट्राइक क्षमता छ, जसले उनलाई विभिन्न परिस्थितिमा सफल बनाउँछ। उनका शक्तिशाली शटहरू र आत्मविश्वासले कर्णाली याक्सको टीमलाई थप शक्तिशाली बनाएको छ। तर धवनको प्रदर्शन भन्ने खासै मैदानमा देखिएन।

शिखर धवनले नेपाली क्रिकेटको विकासमा समेत ठूलो योगदान दिने विश्वास व्यक्त गरेका छन्। कर्णाली याक्ससँगको यो नयाँ अध्यायले नेपालमा क्रिकेटका लागि अझै नयाँ सम्भावनाहरू खोलेको छ।

शिखर धवनजस्ता अन्तर्राष्ट्रिय स्टार खेलाडीहरूको उपस्थितिले नेपाली क्रिकेटलाई नयाँ प्रेरणा दिएको छ। कर्णाली याक्सको टोलीमा रहेको युवा खेलाडीहरूले धवनसँगको सहकार्य र अनुभवबाट धेरै कुराहरु सिक्ने मौका पाए । यसले नेपाली क्रिकेटका लागि मात्र होइन, सम्पूर्ण खेलकुद समुदायका लागि ठूलो अवसरको संकेत दिन्छ।

धवनले भने, “नेपाली क्रिकेटको विकास र युवालाई अन्तर्राष्ट्रिय स्तरमा प्रतिस्पर्धा गर्न प्रेरित गर्नु मेरो मुख्य उद्देश्य हो। यहाँको क्रिकेटलाई अझ उच्च स्तरमा पुर्याउन म समर्पित छु।”

शिखर धवनको कर्णाली याक्ससँगको साझेदारी नेपाली क्रिकेटको इतिहासमा एउटा नयाँ र रोमाञ्चक अध्याय थपेको छ। आगामी दिनहरूमा शिखर धवन र कर्णाली याक्सका लागि अझ शानदार सफलता र अवसरहरू आउने विश्वास गरिएको छ।हाल भने धवन भारत फर्कीसकेका छन्। कर्णाली याक्ससंग ४ खेलको मात्र सम्झौता भएको कारण उनि आइतबार साझ नेपालबाट बिदा भएका हुन्। उनले नेपाल प्रिमियर लिगबाट राम्रै पारिश्रमिक समेत लिएको बुझिएको छ।