दुर्घटनामा परेर मोरङमा बाबुछोराको मृत्यु

मोरङ – मोरङको ग्रामथान गाउँपालिका–२ झोराहाटमा मोटरसाइकल दुर्घटना हुँदा बाबुछोराको मृत्यु भएको छ ।

शनिबार राति करिब १ बजे झोराहाट चौकस्थित नहरको पुलमा प्रदेश १–०४–००२ प १९०१ नम्बरको मोटरसाइकल ठोक्किएर दुर्घटना भएको थियो ।
उक्त दुर्घटनामा परेर कटहरी गाउँपालिका–१ का २२ वर्षीय आशिक मरिक र उनका बुबा ४५ वर्षीय उमेश मरिकको मृत्यु भएको हो ।

मोटरसाइकल छोरा आशिकले चलाएका थिए । तीव्र गतिमा रहेको मोटरसाइकल आफैं घिनाघाट–विराटचोक सडक खण्डको नहरमा ठोक्किएको थियो ।
दुर्घटनामा गम्भीर घाइते भएका उनीहरुलाई विराट नर्सिङहोम लगिएकोमा राति नै मृत्यु भएको हो ।