काठमाडौँ- गायिका मिलन नेवारले त्रिभुवन विश्वविद्यालयअन्तर्गत ललितकला शास्त्री (स्नातक) उत्तीर्ण गरेकी छिन्। आफ्नो शैक्षिक उपलब्धिको बारेमा उनले सामाजिक सञ्जालमार्फत जानकारी दिएकी हुन्।
मिलनले फेसबुकमा लेखेकी छिन्-त्रिभुवन विश्वविद्यालय अन्तर्गत ललितकला शास्त्रीको परीक्षामा उत्तीर्ण भइ स्नातकोपाधिको प्रमाणपत्र सहित विभूषित हुन पाउँदा अत्यन्त गर्वको महसुस भएको छ।
विश्वविद्यालय परिवार, सम्पूर्ण गुरुबुवा, गुरुआमा र साथीभाइहरू प्रति हार्दिक आभार व्यक्त गर्न चाहन्छु। मिलन नेवार नेपाली साङ्गीतिक क्षेत्रकी चर्चित गायिका हुन्। उनका थुप्रै लोकप्रिय गीतहरू सार्वजनिक भएका छन्, जसले उनलाई नेपाली संगीतप्रेमीहरूबीच प्रख्यात बनाएको छ।
प्रतिक्रिया