युद्धविराम उल्लंघन गरेको भन्दै तेहरानमा आक्रमण तीव्र पार्न इजरायली रक्षामन्त्रीको निर्देशन

काठमाडौं । इजरायली रक्षामन्त्री इजरायल काट्जले इरानले युद्धविराम उल्लंघन गरेको भन्दै तेहरानमा आक्रमण तीव्र पार्न निर्देशन दिएका छन् । अमेरिकी राष्ट्रपति डोनाल्ड ट्रम्पले युद्धविराम भएको सार्वजनिक गरेको केही घन्टापछि इरानले इजरायलका विभिन्न सहरमा ब्यालेस्टिक मिसाइल आक्रमण गरेको थियो । जसलाई युद्धविराम उल्लंघन भएको जनाउँदै इजरायलले कडा जवाफ दिने भनेको हो ।

‘मैले इरानी सेनालाई तेहरानको मुटुमा रहेको शासन निशानाहरूविरुद्ध शक्तिशाली हमलाहरूसहित इरानले गरेको युद्धविराम उल्लंघनको कडा जवाफ दिन निर्देशन दिएको छु,’ रक्षामन्त्री काट्जले भने ।

उनले अमेरिकी राष्ट्रपतिद्वारा घोषणा गरिएको युद्धविरामको इरानले पूर्ण उल्लङ्घन गरेको र इजरायलतर्फ क्षेप्यास्त्र प्रहार गरेको र कुनै पनि उल्लङ्घनको कडा जवाफ दिने इजरायली सरकारको नीति रहेको पनि बताए । ‘मैले प्रधानमन्त्रीसँगको समन्वयमा, हिजो भएको गतिविधिको निरन्तरतामा, तेहरानमा शासन निशानाहरू र आतंकवादी पूर्वाधारहरूलाई विफल पार्न तेहरानमा आक्रमण गर्ने तीव्र गतिविधि जारी राख्न निर्देशन दिएको छु,’ उनले भनेका छन् ।