काठमाडौं । कञ्चनपुरकी निर्मला पन्तको हत्या प्रकरणको अनुसन्धानमा केन्द्रीय अनुसन्धान ब्युरो (सीआईबी)को टोली निरन्तर खटिएको छ। लामो समयदेखि रहेको घटनाको वास्तविकता पत्ता लगाउन सीआईबीले अनुसन्धानलाई अघि बढाएको हो।
सीआईबीको टोलीले घटनासँग सम्बन्धित पुराना विवरण, प्रमाण तथा अनुसन्धानका क्रममा प्राप्त तथ्यहरूलाई पुनः केलाइरहेको छ। घटनासँग जोडिएका सम्भावित पक्ष र प्रमाणमाथि समेत अनुसन्धान केन्द्रित गरिएको जनाइएको छ।
निर्मला पन्तको हत्या प्रकरणमा लामो समय बितिसक्दा पनि दोषी पहिचान हुन नसकेपछि घटनाको अनुसन्धानमाथि पटक–पटक प्रश्न उठ्दै आएको छ। परिवार तथा स्थानीयले समेत दोषीलाई कानुनी दायरामा ल्याउन माग गर्दै आएका छन्।
सीआईबीले उपलब्ध प्रमाण र तथ्यका आधारमा अनुसन्धान अघि बढाइरहेको जनाएको छ। अनुसन्धानका क्रममा नयाँ तथ्य वा प्रमाण फेला परे त्यसका आधारमा थप प्रक्रिया अघि बढाइने बताइएको छ।
प्रतिक्रिया