कोशीका पूर्वमन्त्री अधिकारी पक्राउ भएकोबारे प्रदेश सभा सचिवालयले निकाल्यो सूचना

विराटनगर– कोशी प्रदेशका पूर्वमन्त्री तथा प्रदेश सभा सदस्य लिलाबल्लभ अधिकारी पक्राउ भएकोबारे कोशी प्रदेश सभा सचिवालयले सूचना प्रकाशित गरेको छ ।

लिखत तथा मानव बेचबिखन सम्बन्धी कसुर मुद्दामा काठमाडौं जिल्ला अदालतबाट प्रदेश सभा सदस्य अधिकारीविरुद्ध पक्राउ अनुमति जारी भएको उक्त सूचनामा उल्लेख छ । सोमबार कोशी प्रदेश सभाका कार्यवाहक सचिव गौतमराज अमात्यले उक्त सूचना जारी गरेका हुन् ।

अधिकारीलाई पक्राउ थरी थप अनुसन्धानका लागि जिल्ला प्रहरी परिसर काठमाडौँमा उपस्थित गराइएको जानकारी प्राप्त भएको पनि सूचनामा उल्लेख छ ।