काठमाडौँ- नवलपरासी पश्चिमको पाल्हीनन्दन गाउँपालिका-३ बेलासपुरमा स्थानीय दुई समूहबीच मंगलबार भएको झडप प्रहरीले नियन्त्रणमा लिएको छ। झडप बिहान पौने १० बजेदेखि सुरू भएर दुई घन्टापछि प्रहरीको नियन्त्रणमा आएको थियो।
प्रहरी निरीक्षक नारायण थापाका अनुसार झडप नियन्त्रणमा लिन ५ राउन्ड अश्रु ग्यास र ३ राउन्ड हवाइ फायर गरिएको थियो। यस झडपमा ५ जना सिभिल प्रहरी, १५ जना प्रहरी र ५ जना स्थानीय गरी कुल २० जना घाइते भएका छन्। झडपका क्रममा प्रहरीले गाडी र एक पसलमा आगो लागेको पनि जानकारी प्राप्त भएको छ।
सोमबार बेलुकी दुई स्थानीयबीचको झगडाले नै मंगलबारको झडपको कारण बनेको बताइएको छ, यद्यपि झडपको यकिन कारण भने खुलाइएको छैन।
हाल झडप नियन्त्रणमा आए पनि, सुरक्षा सुनिश्चित गर्न नेपाल प्रहरीका १५० जना र सशस्त्र प्रहरीका १०० जना प्रहरी परिचालन गरिएको छ।
प्रतिक्रिया