काठमाडौं – साताको अन्तिम कारोबार दिन बिहीबार सेयर बजारमा २८ सय अंकको मापदण्ड नाघेको छ। अघिल्लो दिनको तुलनामा परिसूचक नेप्से ४९.१५ अंक बढेर २८१५ मा पुगेको हो।
यस दिनको कारोबार रकम पनि बढेको छ। अघिल्लो दिन ९ अर्ब ९० करोडको कारोबार भएकोमा आज ११ अर्ब ३९ करोडको कारोबार भएको छ। १८६ कम्पनीको मूल्य वृद्धि भएको छ भने ५२ कम्पनीको मूल्य घटेको छ, र ६ कम्पनीको मूल्य स्थिर रह्यो।
बैंकिङ सेक्टर सबैभन्दा बढी ३.३२ प्रतिशतले बढेको छ। यसमा प्रमुख भूमिका राष्ट्र बैंकको मौद्रिक नीति समीक्षाले निभाएको हो, जसले ‘लोनलस प्रोभिजन’ दरलाई १.१० बाट घटाएर १ प्रतिशतमा झारेको छ। यसले बैंकहरूको आकर्षण बढाएको छ र आगामी वित्तीय विवरणमा नाफा बढ्ने अनुमान गरिएको छ। यस कारण बिहीबार बैंकिङ सेक्टरले राम्रो वृद्धि देखाएको हो।
साथै, बजारका सबै सेक्टरमा वृद्धि भएको छ। बैंकिङ पछाडि उत्पादन सेक्टर २.९१ प्रतिशतले बढेको छ, र अन्य प्रमुख क्षेत्रहरू जस्तै व्यापार (१.२०%), अन्य (१.०१%), निर्जीवन बीमा (०.७०%), माइक्रोफाइनान्स (०.९१%), जीवन बीमा (०.८१%), लगानी (१.२५%), हाइड्रोपावर (१.८०%), होटल तथा पर्यटन (१.१२%), फाइनान्स (०.२८%), र विकास बैंक समूह (१.५३%) मा पनि वृद्धि भएको छ।
अघिल्लो दिन १० प्रतिशत मूल्य बढेका चार कम्पनीहरूमा गार्डियन माइक्रोलाइफ इन्स्योरेन्स, अपरहेवाखोला, सिन्धु विकास बैंक, र दोर्दीखोला हाइड्रोपावर रहेका छन्। लिबर्टी इनर्जीको मूल्य ९.९६%, गुराँस लघुवित्तको ९.२४%, र बोटलर्स नेपाल बालाजुको ८.९९% बढेको छ।
यसको विपरीत, भूगोल इनर्जीको मूल्य ७.१७% र उपकार लघुवित्तको ६.२५% घटेको छ। सबैभन्दा धेरै कारोबार हिमालयन रिइन्स्योरेन्सको भएको छ, जसको कारोबार रकम ९६ करोड ४७ लाख रुपैयाँ पुगेको छ। त्यसपछि, नेपाल पुनर्बीमा, एनआरएन इन्फ्रास्ट्रक्चर, सिंगटी हाइड्रोपावर, र कुमारी बैंकको कारोबार बढी भएको छ।
प्रतिक्रिया