काठमाडौँ- इजरायलले युद्धग्रस्त गाजा क्षेत्रमा पठाइने मानवीय सहायता रोक्ने निर्णय गरेको छ। प्रधानमन्त्री कार्यालयले यस निर्णयको पूर्ण विवरण सार्वजनिक नगरेको भए पनि, इजरायलको यो कदम युद्धविरामको बारेमा हो र हमासले अमेरिकी प्रस्तावलाई स्वीकार नगरेमा ुअर्को नतिजाु व्यहोर्नुपर्ने चेतावनी दिएको छ।
आइतबार जारी गरिएको विज्ञप्तिमा, इजरायलका प्रधानमन्त्री बेन्जामिन नेतान्याहुले गाजा क्षेत्रमा सबै सामान र आपूर्ति रोक्ने निर्णय गरेको जनाएका छन्। उनले भने, “हाम्रा बन्धकहरुलाई रिहा नगरी इजरायल युद्धविराम स्वीकार गर्दैन। यदि हमासले युद्धविराम इन्कार गरिरह्यो भने दोस्रो नतिजा हुने छ।”
तर, राहत सामग्रीको आपूर्ति रोकिएको पूर्णरूपमा स्पष्ट छैन। यस निर्णयको विरोध गर्दै, हमासले इजरायललाई गाजा क्षेत्रको युद्धविराम नमान्ने आरोप लगाएको छ र यसलाई ुसस्तो फिरौतीु र ुयुद्ध अपराधु भन्दै कडा आलोचना गरेको छ। साथै, यसले युद्धविरामको पालना गर्न इजरायलमाथि दबाब सिर्जना गर्न मध्यस्थकर्ताहरुलाई अपील गरेको छ।
इजरायल र हमासबीचको युद्ध रोक्नका लागि अमेरिका, इजिप्ट र कतारले मध्यस्थकर्ताको भूमिका निभाइरहेका छन्, तर तिनीहरूको कुनै प्रतिक्रिया हालसम्म सार्वजनिक भएको छैन।
इजरायलले यसअघि मुस्लिम धर्मावलम्बीहरूको रमजान र यहुदीहरूको पासओवर पर्वलाई मध्यनजर गर्दै युद्धविरामको अवधि लम्ब्याउने घोषणा गरेको थियो। युद्धविरामको सहमति सन् २०२५ जनवरी १५ देखि सुरु भएको थियो र पहिलो चरण मार्च १ मा समाप्त भएको छ। अहिले दोस्रो चरणको युद्धविरामका लागि छलफल भइरहेका छन्, तर दुवै पक्षको बीचमा बढ्दो तिक्तताले युद्ध फेरि सुरु हुने चिन्ता व्यक्त गरिएको छ।
प्रतिक्रिया