काठमाडौँ- विश्व फुटबलका लिजेण्ड गोलकीपर जियानलुइगी बुफोनलाई नेपाल सरकारले २०२५ को लागि पर्यटन दूत नियुक्त गरेको छ। केपी ओली कपको फाइनलमा प्रमुख अतिथिको रूपमा नेपाल आएका बुफोनलाई पर्यटन राजदूतको रूपमा नियुक्ति दिइएको हो।
नेपाल सरकारको यो निर्णयसँगै, बुफोनको प्रतिष्ठान र प्रभाव नेपालका पर्यटन क्षेत्रको प्रवर्द्धनमा महत्त्वपूर्ण भूमिका खेल्ने अपेक्षा गरिएको छ। २००६ मा इटालीलाई विश्वकप जिताउने बुफोनको नाम र मान्यताले नेपालको पर्यटनको अन्तर्राष्ट्रिय पहिचान बनाउन मद्दत पुर्याउने विश्वास गरिएको छ।
केपी ओली कपको फाइनल पछि भएको पुरस्कार वितरण समारोहमा बुफोनलाई पर्यटन राजदूत नियुक्तिको घोषणा गरिएको थियो। यस अवसरमा काठमाडौँको दशरथ रंगशाला भरिभराउ थियो, जहाँ बुफोनलाई हेर्न हजारौं दर्शक उपस्थित थिए।
नेपालको पर्यटन प्रवर्द्धनको लागि यो कदम एक महत्वपूर्ण पहल मानिएको छ, र आयोजक राष्ट्रिय युवा संघ नेपालले यसलाई नेपालको पर्यटनलाई वैश्विक स्तरमा प्रवर्द्धन गर्नको लागि एक सकारात्मक कदमको रूपमा देखेका छन्।
प्रतिक्रिया