काठमाडौँ- युक्रेनी राष्ट्रपति भ्लोदिमिर जेलेन्स्कीले अर्को हप्ता साउदी अरेवियामा अमेरिका र युक्रेनबीच महत्त्वपूर्ण वार्ता हुने जानकारी दिएका छन्। उनले उक्त बैठकलाई शान्ति स्थापनाका लागि महत्वपूर्ण अवसरका रूपमा हेरिरहेका छन्।
जेलेन्स्कीले स्पष्ट पारेका छन् कि युक्रेनका लागि प्राथमिकता चाँडो शान्ति स्थापना गर्ने हो, र त्यसका लागि काम गरिरहेको छ। यस अवसरमा उनले खाडी देशमा हुने भएकोले वार्तामा भाग नलिने जनाएका छन्।
अमेरिकी राष्ट्रपति डोनाल्ड ट्रम्पका विशेष दूत स्टिभ विटकफले भने, अमेरिकी टोलीले रुस(युक्रेन युद्धको अन्त्यको लागि शान्तिको ढाँचा मा छलफल गर्न चाहेको बताएका छन्।
गत शुक्रबार ह्वाइट हाउसमा जेलेन्स्की र ट्रम्प बीचको चर्को बहसपछि, ट्रम्पले जेलेन्स्कीलाई लडाईं रोक्न तयार नभएको टिप्पणी गरेका थिए। यस विवादपछि अमेरिकाले युक्रेनलाई सैन्य सहयोग र गोप्य जानकारी दिन बन्द गरेको छ।
जेलेन्स्कीले उक्त विवादको विषयमा दुःख व्यक्त गरेका छन् र अमेरिकासँगको सम्बन्ध सुधार्न प्रयासरत छन्। बिहीबार विटकफले ट्रम्पले जेलेन्स्कीबाट माफी र कृतज्ञता सहितको पत्र प्राप्त गरेको जानकारी दिएका छन्।
रुसले २०२२ को फेब्रुअरीमा युक्रेनमा आक्रमण सुरु गरेको थियो, र हाल युक्रेनी भूभागको लगभग २० प्रतिशत रुसी नियन्त्रणमा रहेको छ।
प्रतिक्रिया