काठमाडौं l संसदीय सुनुवाइ प्रक्रियाबाट अनुमोदन भएका प्रधानन्यायाधीश डा. मनोजकुमार शर्माको शपथग्रहण आजै हुने भएको छ। सर्वोच्च अदालतका प्रवक्ता अर्जुन कोइरालाका अनुसार उनको शपथ साँझ ६ बजेर १० मिनेटका लागि तय गरिएको छ। संसदीय सुनुवाइ समितिबाट अनुमोदन प्रक्रिया पूरा भएसँगै अब उनी औपचारिक रूपमा न्यायपालिकाको नेतृत्व सम्हाल्ने तयारीमा छन्।
शपथग्रहणपछि शर्माले आजै प्रधानन्यायाधीशको रूपमा पदभार ग्रहण गर्ने कार्यक्रम पनि तय गरिएको छ। पदभार ग्रहणसँगै उनले सर्वोच्च अदालतको नेतृत्व गर्दै न्याय प्रशासन, अदालत व्यवस्थापन तथा न्याय सम्पादनसँग सम्बन्धित जिम्मेवारी सम्हाल्नेछन्।
यसअघि उनको नाम प्रधानन्यायाधीश पदका लागि सिफारिस भएपछि संसदीय सुनुवाइ प्रक्रिया सञ्चालन गरिएको थियो। सुनुवाइका क्रममा उनीविरुद्ध दर्ता भएका उजुरी, कार्ययोजना तथा सांसदहरूले उठाएका विभिन्न प्रश्नमाथि छलफल गरिएको थियो। अन्ततः संसदीय समितिबाट अनुमोदन प्राप्त गरेपछि अब उनी औपचारिक रूपमा देशको न्यायपालिकाको सर्वोच्च पदमा नियुक्त हुने प्रक्रिया पूरा भएको हो।
प्रतिक्रिया