काठमाडौँ । देशका विभिन्न जिल्लामा भएका छुट्टाछुट्टै सवारी दुर्घटनामा परी चार जनाको मृत्यु भएको छ। तनहुँ, गुल्मी र रुपन्देहीमा भएका दुर्घटनामा एक बालकसहित चार जनाले ज्यान गुमाएका हुन्।
प्रहरीका अनुसार तनहुँको शुक्लागण्डकी नगरपालिका–४ पञ्चमुनी चोकस्थित सडकमा स्कारपियोको ठक्करबाट ३६ वर्षीया सबिना गुरुङको मृत्यु भएको छ। दमौलीबाट पोखरातर्फ जाँदै गरेको गण्डकी बीएए १४८४ नम्बरको स्कारपियोले पैदलयात्री गुरुङलाई ठक्कर दिएको थियो।
दुर्घटनामा गम्भीर घाइते भएकी गुरुङको मणिपाल अस्पताल पोखरामा उपचारका क्रममा बिहीबार साँझ मृत्यु भएको हो। घटनापछि प्रहरीले स्कारपियो चालकलाई नियन्त्रणमा लिएको छ।
त्यस्तै, गुल्मीको इस्मा गाउँपालिका–६ आपलायस्थित सडकमा ट्याक्टरको ठक्करबाट १२ वर्षीय कुञ्जन खत्रीको मृत्यु भएको छ। जैथुमबाट कुखुरेतर्फ जाँदै गरेको लु.२ त ६१९४ नम्बरको ट्याक्टरले पैदलयात्री खत्रीलाई ठक्कर दिएको थियो। बिहीबार साँझ भएको उक्त दुर्घटनामा उनको घटनास्थलमै मृत्यु भएको प्रहरीले जनाएको छ। प्रहरीले ट्याक्टर चालकलाई नियन्त्रणमा लिएको छ।
यता, रुपन्देहीको देवदह नगरपालिका–६ मिलन चोकस्थित सडकमा सवारी साधनको ठक्करबाट ८२ वर्षीय बुद्धिप्रसाद पोखरेलको मृत्यु भएको छ। बुटवलबाट नवलपरासीतर्फ जाँदै गरेको नम्बर नखुलेको सवारी साधनले उनलाई ठक्कर दिएको थियो।
बिहीबार साँझ दुर्घटनामा गम्भीर घाइते भएका पोखरेलको देवदह मेडिकल कलेज भलुहीमा उपचारका क्रममा मृत्यु भएको हो। ठक्कर दिने सवारी साधन र चालकको प्रहरीले खोजी गरिरहेको छ।
यसैगरी, रुपन्देहीकै बुटवल उपमहानगरपालिका–५ पुष्पलाल पार्कस्थित सडकमा गाडी र मोटरसाइकल एकआपसमा ठोक्किँदा ३३ वर्षीय मिलन न्यौपानेको मृत्यु भएको छ।
लु.१ क १६२९ नम्बरको गाडी र लु.११ प ४२३१ नम्बरको मोटरसाइकल बिहीबार साँझ दुर्घटना हुँदा मोटरसाइकल चालक न्यौपाने गम्भीर घाइते भएका थिए। उनको सिद्धार्थनगर सिटी अस्पताल भैरहवामा उपचारका क्रममा मृत्यु भएको प्रहरीले जनाएको छ। प्रहरीले गाडी चालकलाई नियन्त्रणमा लिएको छ।
चारवटै दुर्घटनाका सम्बन्धमा प्रहरीले आवश्यक अनुसन्धान गरिरहेको जनाएको छ।
थप आकर्षक शीर्षकहरू
सडक दुर्घटनाले लियो चार जनाको ज्यान, मृतकमा १२ वर्षीय बालक पनि
तनहुँ, गुल्मी र रुपन्देहीमा दुर्घटना, चार जनाको मृत्यु
एकैदिन छुट्टाछुट्टै दुर्घटनामा चार जनाको मृत्यु, तीन जिल्लामा शोक
स्कारपियो, ट्याक्टर र गाडीको ठक्करबाट चार जनाको ज्यान गयो
सडक दुर्घटनामा चार जनाको मृत्यु, दुई चालक प्रहरी नियन्त्रणमा
गुल्मीमा १२ वर्षीय बालकसहित चार जनाको दुर्घटनामा मृत्यु
तीन जिल्लामा भएका दुर्घटनामा चार जनाको मृत्यु, एक सवारी चालक फरार
तनहुँदेखि रुपन्देहीसम्म दुर्घटनै दुर्घटना, चार जनाले गुमाए ज्यान
सडक दुर्घटनाको कहरः चार जनाको मृत्यु, प्रहरीद्वारा अनुसन्धान सुरु
छुट्टाछुट्टै दुर्घटनामा चार जनाको मृत्यु, रुपन्देहीमा मात्रै दुई जनाको ज्यान गयो
तीन जिल्लामा छुट्टाछुट्टै सवारी दुर्घटना, १२ वर्षीय बालकसहित चार जनाको मृत्यु
प्रतिक्रिया