महिनावारीको समयमा महिला ट्राफिक प्रहरी सडकमा खटिन नपर्ने गृहमन्त्री लामिछानेको घोषणा

काठमाडौं– उपप्रधान तथा रवि लामिछानेले महिनावारीको चार दिन महिला ट्राफिक प्रहरीले सडकमा ड्युटी गर्न नपर्ने घोषणा गरेका छन् । १७ औं गणतन्त्र दिवसको अवसर पारेर उनले सामाजिक सञ्जालमार्फत सो घोषणा गरेका हुन् ।

महिनावारीको समयमा रहेका ट्राफिक प्रहरीको सट्टामा मापसे लगायत ट्राफिक नियमको उलंघन गर्नेहरुले सडकमा स्वयमंंसेवकका रुपमा सडकमा सघाउने व्यवस्था मिलाइएको उनले जनाएका हुन् ।

गणतन्त्र दिवसको अवसरमा सानो प्रयास गरिएको भन्दै गृहमन्त्री लामिछानेले लेखेका छन्, ‘अबदेखि महिला ट्राफिक प्रहरीहरुले महिनावारीका ४ दिन सडकमा डिउटी गर्नु पर्दैन, मापसे लगायत ट्राफिक नियमको उलंघन गर्नेहरुले स्वयम् सेवकका रुपमा उहाँहरुको साटो सडकमा सघाउनुहुनेछ ।’