ज्ञानेन्द्र शाहीले रविलाई सोधे– गिरीबन्धु टी–स्टेट प्रकरणको फाइल कहिले खुल्छ ?
काठमाडौं– राष्ट्रिय प्रजातन्त पार्टी (राप्रपा) सांसद ज्ञानेन्द्र शाहीले गिरीबन्धु टी–स्टेट प्रकरणको फाइल कहिले खुल्छ भन्दै प्रश्न गरेका छन् । संसदमा विशेष समय लिएर बोल्दै सांसद शाहीले गृहमन्त्री रवि लामिछानेलाई गिरीबन्धु प्रकरणको फाइल कहिले खुल्छ भन्दै प्रश्न गरेका हुन्।
सांसद शाहीले गिरी बन्धु, वाइडबडी, फोर जी, मेलम्ची, टेरामेक्स फाइल कहिले खुल्छ भन्दै प्रश्न गरेका छन्। उनले जीबी राई ठूलो की सरकार ठूलो भन्दै अहिले जीबी राई ठूलो देखिएको बताउँदै उनले सरकारले जीबी राईलाई पक्राउ गर्न नसकेको आरोप लगाए। उनले जीबी राईलाई तत्काल पक्राउ गर्न माग गरेका छन्।
उनले भने, ‘आकासमा भएपनि पातालमा भएपनि जीबी राईलाई खोजेर ल्याउछु भनेर गृहमन्त्रीले भन्नु भएको थियो, कहिले ल्याउनुहुन्छ, हामीले हेरेर बसेका छौं।’
सांसद शाहीले सुदूरपश्चिमकी चेली निर्मलाका हत्याराको कहिले पत्ता लाग्छ भन्दै गृहमन्त्रीलाई प्रश्न गरेका छन्।