जसपा पुनः उपेन्द्र यादवको नेतृत्वमा
काठमाडौं– जनता समाजवादी पार्टी (जसपा) नेपालको केन्द्रीय अध्यक्षमा उपेन्द्र यादव निर्विरोध निर्वाचित भएका छन् । अध्यक्षको पदमा यादवको मात्र उम्मेदवारी परेपछि उनी निर्विरोध निर्वाचित भएका हुन् ।
पार्टी स्थापनादेखि नै यादवले नै जसपाको नेतृत्व गर्दै आएका छन् । मधेश प्रदेशको जनकपुरधामस्थित महेन्द्रनारायण निधि भवनमा जसपाको महाधिवेशन जारी छ । महाधिवेशनबाट २०१ सदस्यीय केन्द्रीय समितिका लागि बुधबार बिहान ८.३० बजेदेखि उम्मेदवारी दर्ता कार्य भइरहेको निर्वाचन समितिले जनाएको छ ।
अध्यक्षबाहेकका पदमा भने नेताहरूको उम्मेदवार परे पनि नामावली भने सार्वजनिक भइसकेको छैन ।