अमेरिका लैजान छोरा आउँदा आमाको कंकालमात्र बाँकी रहेको त्यो दर्दनाक घटना

काठमाडौं– हामी आफ्नो दैनिक जिवनमा यति व्यस्त छौँ कि घरका वृद्धावस्थामा रहेका बुबाआमाको ध्यान दिन समय निकाल्न सकिरहेका हुदैनौँ । नेपालको सन्दर्भमा उज्जल भविष्यको खोजीमा अधिकांश युवाहरु शहर हुँदै संसारका कुना कुनामा पुगेका छन् । फलस्वरुप गाउँघरमा वृद्ध बुबाआमा एक्लो भएका छन् ।

यस्तै व्यस्त जीवनमा रहिँरहदा भारतका एक युवकले दुखान्त वियोग सहनुपरेको थियो । कुरा सन् २०१७ को हो ।

भारतका लोखंडवालाका ऋतुराज साहनी आफ्नो परिवारसँग अमेरिका नै बस्थे । ऋतुराजको बुबा केदार साहनी सन् २०१३ मा नै बितेका थिए । त्यसैले उनकी आमा आशा साहनी करिब ७ करोड पर्ने लोखंडवालामा फ्लाटमा एक्लै बस्थिन् ।

ऋतुराजको आमासँग खासै कुराकानी हुँदैनथ्यो । उनी लामोसमय पछि आमालाई भेट्न इन्डिया फर्किए । घर पुग्दा फ्ल्याटको ढोका भित्रबाट ताला लगाइएको थियो । ढोका तोडेर ऋतुराज भित्र पसे । घर भित्र पस्द उनले जुन दृश्य देखे त्यो उनको लागि एकदमै दर्दनाक थियो । किनभने त्यहाँ उनको आमा नभएर कंकाल थियो ।

ऋतुराज साहनीले आमासँग अन्तिमपटक करिब एक वर्षअघि कुरा गरेका थिए । त्यसबेला आमाले म एक्लै बस्दिन कि अमेरिकासँगै लैजाउ की वृद्धाश्रममा राखिदेउ भनेकी थिइन् । तर व्यवस्तताको कारण आमालाई उनले कतै लग्न भ्याएका थिएनन् । एक वर्षपछि आमालाई आफुसँग अमेरिका लैजान घर पुग्दा आमाको कंकाल मात्र बाँकी थियो ।

भारतको सञ्चारमाध्यम दैनिक भास्करका अनुसार भोक र कमजोरीका कारण आशाको मृत्यु भएको हो ।

फ्ल्याटमा आमाको कंकाल देखेपछि ऋतुराजले नै प्रहरीलाई खबर गरेका थिए । कंकालको पहिचान गरेपछि प्रहरीले पोष्टमार्टमका लागि गोरेगाउँको अस्पतालमा पठाएको थियो।
प्रहरीका अनुसार आशाले अन्तिम पटक २०१६ अप्रिलमा छोरालाई फोन गरेर अब एक्लै बस्न नचाहेको बृद्धाश्रम जाने बताएकी थिइन् ।