राजेश पायल राईको फेरि अर्को हंगामाः कन्सर्टमा महिला फ्यानसँग कामुक नृत्य

काठमाडौं– केहिदिनअघि अत्यधिक मदिरा सेवन गरेको भेटिएपछि त्रिभुवन अन्तर्राष्ट्रिय विमानस्थलबाटै फर्काइएका गायक गायक राजेश पायल राई यतिबेला दुबई छन् । दुबई पुगेर सांगितिक प्रस्तुती दिइरहेका उनले फेरि अर्को हंगामा मच्चाएका छन् । दुबईको एक कन्सर्टमा उनले महिला दर्शकसँग कामुन नृत्य प्रदर्शन गरेका छन् ।

गायक राईले शनिवार मध्यरात दुबईस्थित याक एन्ड यति एभरेस्ट क्लबमा धमाकेदार प्रस्तुति दिए । उनका अन्य कन्सर्टजस्तै दुबईको कन्सर्ट पनि ‘लाइभली’ थियो । राजेशपायल स्टेजमा आफू पनि झुमे र दर्शकलाई पनि झुमाए ।

‘मैले मायाले दिएको चिनो‘’ बोलको गीत गाउँदै राजेश पायलले स्टेजमा इन्ट्री गरेका थिए । पहिल्यैदेखि हुटिङ गरिरहेका दर्शक उनको इन्ट्रीपछि झनै क्रेजी भए । स्टेजमा आएर राजेश पायलले भने, ‘कस्तो हट हट केटीहरू रहेछन् यार ।’ खचाखच दर्शकबीच राजेशपायलले डेढ घण्टाभन्दा बढी समय लिएर आफ्ना करिब ३० वटा गीतहरू सुनाएका थिए ।

आफ्नो प्रस्तुतिलाई बिट मार्न लाग्दा दर्शकबाट डिमान्ड भएपछि आफ्नो सर्वाधिक लोकप्रिय ‘सागर सरी चोखो माया’ गाए । तर यो गीत गाउन आफूलाई कसैले साथ दिनुपर्ने बताए । ‘कोही केटी साथी आउने हो गीत गाउन?’ राजेश पायलले माइकबाट आग्रह गरे ।

त्यसपछि एक युवतीलाई औंल्याउँदै भने, ‘तपाई आउनुस्‘ आउनुस्‘ माइक ल्याइदिनुस् उहाँलाई ।’ उनले ठट्टा पनि गरे, ‘यति ह्यान्डसम छु बिहे गर्‍या छैन । तर, मलाई आइ लभ यु चैं नभन्नु होला । भर्खर डिभोर्स भएको‘ एक वर्षपछि आइ लभ यु भन्नुहोला ।’

यद्यपि, ती युवती आउन चाहिनन् । उनले दर्शकहरुलाई सम्बोधन गर्न थाले । उनले भने, ‘म तपाईँहरूकै हुँ । म जहाँ जान्छु, त्यहाँ नेपाली गीतसंगीत गएको छ । तपाईंहरुबिनाको राजेशपायल राई म कल्पना गर्न सक्दिनँ ।

त्यसपछि राजेश पायलले एक्लै उक्त गीत गाउन थाले । गाउने क्रममा फेरि दर्शकहरू उनीतिर हात लम्काउन थाले । यही क्रममा राजेश पायलले एक युवतीको च्याप्पै हात समाते र उनलाई स्टेजमा उकाले ।

त्यसपछि राजेश पायलले ‘सागर सरी चोखो माया‘’ गीतलाई निरन्तरता दिँदै युवतीसँग कामूक नृत्य गर्न थाले । युवती पनि आफ्नो प्रिय गायकसँग चिप्किएर नाच्न थालिन् । उनीहरु दुबै एक अर्कामा हराएर गीत गाउँदै नाचिरहेका थिए ।

एकछिनको त्यो कामुक नृत्यपछि बाउन्सरले युवतिलाई स्टेजबाट जान भने । युवती गीत गाउँदै स्टेजबाट ओर्लिइन् । र गीत सक्किएसँगै राजेश पायलले आफ्नो प्रस्तुति टुंग्याए ।