झापामा हात्तीले गर्यो चार घरमा क्षति

झापा– बिर्तामोड नगरपालिका–७ स्थित डाँडागाउँमा गएराति हात्तीले चार वटा घरमा क्षति पुर्याएको छ । राति आएका चार वटा हात्तीले चार घरमा क्षति पुर्याएको हो ।

जिल्ला प्रहरी कार्यालयका प्रवक्ता कृष्णकुमार चन्दले हात्तीले ती घरमा क्षति पुर्याउँदा तीन लाख १० हजार बराबरको क्षति भएको जानकारी दिए। हात्तीले स्थानीय नवराज लिम्बू, डम्बर विक, सोनु सुनुवार र खगेन्द्र घिमिरेको घरका पर्खाल भत्काउनका साथै घरभित्र अन्नपातसमेत नष्ट गरेको उनले बताए ।