जोरपाटीको धागो फ्याक्ट्रीमा आगोलागी
काठमाडौं– काठमाडौंको जोरपाटीमा आगलागी भएको छ । जोरपाटीको एक धागो फ्याक्ट्रीमा आगलागी भएको हो ।
जिल्ला प्रहरी परिसर काठमाडौंका एसपी तथा प्रवक्ता नवराज अधिकारीले धागो फ्याक्ट्रीमा आगो लागेको र निभाउने प्रयास भइरहेको जानकारी दिएका छन् । आगो निभाउन काठमाडौं महानगरपालिकाको ३ वटा दमकल परिचालन गरिएको छ । ललितपुर महानगरपालिकाबाट पनि दमकल गएका छन् ।
स्थानीय, प्रहरी र अन्य सुरक्षाकर्मीसहितको सहयोगमा आगो नियन्त्रणको प्रयास भइरहेको छ ।