कार्यकारी निर्देशक गिरीद्वारा नेपाल प्रहरी शिक्षालय, भरतपुरको अनुगमन तथा निरीक्षण
चितवन– राष्ट्रिय प्रहरी प्रशिक्षण प्रतिष्ठानका कार्यकारी निर्देशक प्रहरी अतिरिक्त महानिरीक्षक सुदिप गिरीले नेपाल प्रहरी शिक्षालय, भरतपुरको अनुगमन गरेका छन् ।
प्रशिक्षण केन्द्रहरुको अनुगमन तथा निरीक्षण भ्रमण कार्यक्रमको शिलसिला उनले शुक्रबार नेपाल प्रहरी शिक्षालय, भरतपुरको भौतिक संरचना, आन्तरिक तथा वाह्य प्रशिक्षण कक्षाहरु लगायत सम्पूर्ण प्रशिक्षण गतिविधि निरीक्षण गरेका हुन् ।
साथै महानिरिक्षण गिरीले नव निर्मित प्रशासनिक भवन लगायत विविध पक्षको स्थलगत अवलोकन गरी शिक्षालयको हाताभित्र बृक्षारोपणसमेत गरेका छन् ।
निरिक्षणका क्रममा उनले प्रशिक्षण प्रदायक निकायहरूमा प्रशिक्षणमैत्री पूर्वाधार, समयानुकुल परिष्कृत एवम् परिमार्जित पाठ्यक्रम तथा स्तरीय प्रशिक्षकहरू हुनुपर्ने विषयमा ध्यान दिन सके मात्र प्रशिक्षण प्रदायक निकायहरूबाट संगठनले अपेक्षा गरे अनुरुपको उपलब्धी हासिल गर्न सकिने बताए ।
उक्त कार्यक्रममा नेपाल प्रहरी शिक्षालय, भरतपुरका निर्देशक प्रहरी नायब महानिरीक्षक लालमणी आचार्य, नेपाल प्रहरी शिक्षालय, भरतपुरमा कार्यरत सिनियर प्रहरी अधिकृतहरू, जुनियर प्रहरी अधिकृतहरू लगायत सम्पूर्ण प्रहरी कर्मचारी र आधारभूत तथा सेवाकालिन तालिमका प्रशिक्षार्थीहरु समेतको सहभगिता रहेको थियो ।
