काठमाडौं– युट्युबमा सबैभन्दा बढी सब्सक्राइबर भएका मिस्टर बिस्टले आफ्नो निधनपछि पनि युट्युब च्यानलमा भिडियो हाल्नेगरि तयारी गरिरहेका छन् । उनले यसको खुलासा केएसआई र लोगन पलको इम्पल्सिभ पडकास्टमा खुलासा गरेका हुन् ।
केहि समयअघि चर्चित युट्युबर निकोकाडो अवोकाडोले दुनियाँलाई चकित बनाएका थिए । विभिन्न खानेकुरा खाएको भिडियो पोष्ट गर्ने उनी निकै मोटा थिए । तर केहिसमयअघि निकोकाडो अवोकाडो आफू दुब्लाइसकेको पोष्ट गरे । उनको मोटो शरिरमा नै भिडियो देखिरहेका दर्शकहरु निकोकाडोले कहिले तौल घटाए भन्ने कुरालाई लिएर चकित थिए । उनले अवोकाडोले पुरानै भिडिओहरू राखी दुई वर्षसम्म इन्टरनेटलाई झुक्काएर गुपचुप रुपमा तौल घटाएका हुन् ।
मिस्टरविस्टसँग पडकास्टमा उनै अवोकाडोको नाम लिँलै केएसआईले ‘तपाईँले पनि त्यस्तै गर्नुहुन्छ कि जस्तो लाग्छ’ भनेर जिज्ञासा राखेका थिए । लगत्तै मिस्टर बिस्टले आफ्नो निधनपछि १५ ओटा भिडिओ अपलोड गर्न टिमले काम गरिसकेको सुनाए । आफ्नो निधनपछि पनि दर्शकलाई अझै जीवित भएको भान पार्न उनले भिडियो बनाएका हुन् ।
आफ्नो निधनपछि अपलोड हुने भिडिओ पुरानो कम्प्युटरमा सुरक्षित राखेको उनले बताएका छन् । तर यो भिडियोको बारेमा उनीसहित कम्पनीका केही व्यक्तिहरूलाई मात्र थाहा छ । तर ती भिडिओहरू आजकलको जस्तो स्तरीय नहुने उनले बताएका छन् ।
उनले भने, ‘केही भिडिओहरू खासै राम्रा छैनन् । एउटा भिडिओमा त म टेबलमा बसेर पुरानो फ्यान मेल (प्रशंसकले पठाएका पत्र) खोलिरहेको छु,’ उनले भनेका छन् ।
उनले आफ्नो निधनपछि ‘माई लास्ट भिडिओ’ शीर्षकमा समेत एउटा भिडिओ अपलोड हुने उनले खुलाएका छन् । ती सबै भिडिओहरू हरेक महिना एकएक गरेर अपलोड हुने उनले सुनाएका छन् ।
प्रतिक्रिया