काठमाडौं । सन् २०१६ मा कोपा अमेरिका फाइनलमा चिलीसँग पराजित भएपछि अर्जेन्टिनाका कप्तान लियोनल मेस्सीले अन्तर्राष्ट्रिय फुटबलबाट सन्यास लिने घोषणा गरेका थिए। लगातार ठूला प्रतियोगिताको फाइनल गुमाएपछि निराश बनेका मेस्सीले राष्ट्रिय टोलीसँगको यात्रा समाप्त भएको बताएका थिए।
तर केही समयपछि उनले आफ्नो निर्णय फिर्ता लिए। त्यसयता मेस्सी र अर्जेन्टिनाले ऐतिहासिक सफलता हासिल गरेका छन्। अर्जेन्टिनाले दुई पटक कोपा अमेरिका जित्यो भने सन् २०२२ मा मेस्सीको कप्तानीमा विश्वकप उपाधि पनि जित्यो।
विश्व फुटबलका महान खेलाडीमध्ये एक मानिने मेस्सीले आफ्नो करिअरमा थुप्रै कीर्तिमान कायम गरेका छन्। उमेर बढ्दै जाँदा पनि उनको प्रदर्शन प्रभावशाली रहँदै आएको छ। फुटबल विश्लेषकहरूका अनुसार उनको खेलबुझाइ, नेतृत्व क्षमता र निर्णायक क्षणमा प्रभाव पार्ने क्षमता अझै पनि विश्वस्तरकै छ।
फुटबल विश्लेषक गिलेम बालागेका अनुसार मेस्सी अहिले पनि खेलको पूर्ण आनन्द लिइरहेका छन्। अनुभव र बुद्धिमत्ताको सहायताले उनले मैदानमा निरन्तर प्रभाव छाडिरहेका छन्।
सन्यासको घोषणादेखि विश्वकप विजेता कप्तानसम्मको यात्रा मेस्सीका लागि मात्र होइन, विश्व फुटबलकै प्रेरणादायी कथामध्ये एक बनेको छ।
प्रतिक्रिया