यसपालिको फिफा विश्वकपमा उत्कृष्ट प्रदर्शन गर्दै चर्चामा आएका केप भेर्डेका गोलकिपर भोजिन्हा (Vozinha) चिलीको प्रतिष्ठित फुटबल क्लब कोलो–कोलोमा अनुबन्धित भएका छन्।
४० वर्षीय भोजिन्हाले कोलो–कोलोसँग १८ महिनाको सम्झौता गरेका हुन्। विश्वकपमा उनले उत्कृष्ट गोलरक्षण गर्दै केप भेर्डेको ऐतिहासिक यात्रामा महत्वपूर्ण भूमिका निर्वाह गरेका थिए। विशेषगरी बलिया टोलीविरुद्ध गरेको शानदार प्रदर्शनपछि उनी विश्व फुटबलमा चर्चाको केन्द्र बनेका थिए।
विश्वकपपछि विभिन्न क्लबबाट प्रस्ताव आए पनि भोजिन्हाले अन्ततः चिलीको सर्वाधिक सफल क्लबमध्ये एक कोलो–कोलो रोजेका हुन्। स्वास्थ्य परीक्षण पूरा गरेपछि उनलाई क्लबले औपचारिक रूपमा सार्वजनिक गर्ने जनाएको छ।
भोजिन्हाको आगमनसँगै कोलो–कोलोले आगामी सिजनमा आफ्नो गोलरक्षक विभाग अझ बलियो हुने विश्वास गरेको छ। अनुभवी गोलकिपर भोजिन्हाले अब चिलीको शीर्ष डिभिजन फुटबलमा आफ्नो अनुभव प्रस्तुत गर्ने अपेक्षा गरिएको छ।
प्रतिक्रिया