कोटेश्वरस्थित असर्फी टोलमा थप ४ जनामा कोरोना संक्रमण पुष्टि

appharu

२६ श्रावण २०७७, सोमबार

काठमाडौं महानगरपालिका–३२ कोटेश्वरस्थित असर्फी टोलमा थप ४ जनामा कोरोना संक्रमण पुष्टि भएको छ । साउन १८ गते किराना पसल सञ्चालक चार जनामा संक्रमण देखिएपछि १४१ जनाको स्वाब संकलन गरिएको थियो । उनीहरुमध्ये १३ जनामा संक्रमण देखिएको रिपोर्ट आइतबार आएको थियो ।

सोमबार दुई बच्चासहित ४ जनामा संक्रमण पुष्टि भएको वडा सदस्य हिरादेवी पोखरेलले अनलाइनखबरलाई बताइन् । धेरै संक्रमित भेटिएपछि वडाले सोमबार विहानैबाट यो क्षेत्र सिल गरेको छ ।