गुडिरहेको बसमाथी ढुंगा खस्दा दुईजना घाइते

म्याग्दी— रघुगंगा गाउँपालिका–२ स्थित बेनी–जोमसोम सडकको सिरुबारी खण्डमा गुडिरहेको बसमा ढुङ्गा खसेको छ । मंगलबार दिउँसो गुडिरहेको बसमा माथीबाट खसेको ढुंगाले लागेको हो । उक्त घटनामा दुई जना यात्रु घाइते भएका छन् ।

पोखराबाट जोमसोमतर्फ जाँदै गरेको ग १ ख ७७१७ नम्बर प्लेटको बस पहिरो छिचोल्ने क्रममा माथिबाट ठूलो ढुंगा खसेर लागेको हो । बसमा सवार बेनी नगरपालिका–४ सिङ्गा म्याग्दीकी २१ वर्षीया पूजा खड्का र गुल्मी इस्मा गाउँपालिका–२ की ३१ वर्षीया मिना नेपाली घाइते भएका हुन् ।

घाइतेहरुको बेनी अस्पतालमा उपचार भैरहेको छ । उनीहरु खतरामुक्त रहेको प्रहरीले जनाएको छ ।