इनार सफा गर्ने क्रममा निसासिएर दुई जनाको मृत्यु

दाङ– इनार सफा गर्न भित्र छिरेका दुई जनाको दाङमा निसासिएर मृत्यु भएको छ । तुलसीपुर उपमहानगरपालिका– १३ दमारगाउँका मुकेश विक र यामबहादुर नेपालीको निसासिएर मृत्यु भएको हो ।

उनीहरु बुधबार बिहान साढे १० बजेतिर दमारगाउँकै दुर्गा विकको इनार सफा गर्न भन्दै इनारभित्र प्रवेश गरेका थिए । तर इनारभित्र निसासिएर बाहिर निस्कन नसकेको भन्ने सूचना पाएपछि उनीहरुको उद्दारका लागि इलाका प्रहरी कार्यालय तलुसीपुरबाट प्रहरीके टोली खटिएको छ । उनीहरुलाई टोलीले तत्काल इनारबाट निकालेको थियो ।

उपचारका लागि राप्ति प्रादेशिक अस्पताल तुलसीपुर पठाइएकोमा बिहान ११ बजे उनीहरुलाई चिकित्सकले मृत घोषणा गरेको हो ।