काठमाडौँ- रूकुम पश्चिमको चौरजहारी नगरपालिका(१ लामिछाने गाउँमा आइतबार मध्यराति भएको मोटरसाइकल दुर्घटनामा ३२ वर्षीय चिरन्जीवी लामिछानेको मृत्यु भएको छ।
चिरन्जीवी लामिछाने आफन्तको बिहे खान गएका थिए र चौरजहारी बजारबाट पाँच मिनेट टाढा रहेको आफ्नो घरतर्फ जान लाग्दा यो दुर्घटना भएको हो। मोटरसाइकल ९ कर्णाली प्रदेश ०३–००१ प ०४७३० अनियन्त्रित भई भित्तामा ठोक्किएको थियो। दुर्घटनामा सँगै मोटरसाइकलमा सवार अर्का एक युवक पनि थिए।
दुर्घटनाको खबर प्राप्त भएपछि प्रहरी घटनास्थल पुगेर लामिछानेको उद्धार गरेर जिल्ला अस्पताल खलंगा पुर्याएको थियो। चिकित्सकले बिहान साढे २ बजे लामिछानेलाई मृत घोषित गरे।
चिरन्जीवी लामिछाने कर्णाली प्रदेश मार्सल आर्ट्स महासंघ तदर्थ समितिको सदस्य थिए। दुर्घटनामा मृतकको परिवार र समुदायमा गहिरो शोक प्रकट भएको छ।
प्रतिक्रिया