किशोरीलाई बलात्कार गरेको आरोपमा एक जना पक्राउ

काठमाडौँ- झापामा १६ वर्षीया किशोरीलाई बलात्कार गरेको आरोपमा प्रहरीले एक जनालाई पक्राउ गरेको हो ।

पक्राउ पर्नेमा ताप्लेजुङको पाथीभरा याङवरक गाउँपालिका ६ थुम्वेदिन बस्ने ५२ वर्षीय कुमार राई हुन् । कुमारले ती किशोरीलाई हल्दीबारी गाउँपालिका ४ स्थित मेची पोल्ट्री फर्मको कोठाभित्र जबरजस्ती करणी गरेको आधारमा प्रहरी चौकी हल्दीबारीबाट खटिएको प्रहरीले उनलाई शनिबार साँझ पक्राउ गरेका हुन् ।

घटनाका विषयमा थप अनुसन्धान भइरहेको झापा प्रहरीले बताएको छ ।