पेस्तोल र गोलीसहित भारतीय पक्राउ

काठमाडौँ- रौतहटको इशनाथ नगरपालिकास्थित नेपाल भारत सीमा क्षेत्रको लतमरीबाट सशस्त्र प्रहरीले आइतबार राति अटोमेटिक पेस्तोल र गोलीसहित एक भारतीयलाई पक्राउ गरेको छ । पक्राउ परेका व्यक्ति हतियार तस्कर हुन् वा होइनन् भन्ने अनुसन्धान भइरहेको सशस्त्र प्रहरीले जानकारी दिएको छ ।

लतमरीमा रहेका सुनिल होटलमा खाजा खाइरहेका तीन जनाको गतिविधि शंकास्पद देखिएको जानकारी पाउनासाथ सशस्त्र प्रहरी बल एफओबी मठियाबाट खटिएको टोली राति साढे ८ बजे त्यहाँ पुगेपछि दुई जना भागेका थिए ।