तनहुँमा मोटरसाइकल दुर्घटना, दुई जनाको मृत्यु

काठमाडौँ- तनहुँको व्यास नगरपालिका–१२ बेलभन्ज्याङस्थित पृथ्वीराजमार्गमा मोटरसाइकल दुर्घटना हुँदा दुई जनाको मृत्यु भएको छ।

मोटरसाइकल गण्डकी प्रदेश ०३–००१प०३१० नम्बरको मोटरसाइकल मंगलबार बिहान दमौलीबाट डुम्रेतर्फ जाँदै गरेको मोटरसाइकल अनियन्त्रित भई सडकबाट खसेको हो । प्रारम्भिक अनुसन्धानअनुसार हुस्सु लागेका कारण दुर्घटना भएको अनुमान गरिएको छ ।

मोटरसाइकलमा सवार दुवै जनाको घटनास्थलमै मृत्यु भएको हो । मृत्यु हुनेको पहिचान भने खुल्न बाँकी रहेको छ । जिल्ला प्रहरी कार्यालय तनहुँका प्रहरी नायब उपरीक्षक अशोक थापाका अनुसार थप अनुसन्धान जारी रहेको छ।