सुनको भाउ स्थिर, चाँदीको मूल्य घट्यो

काठमाडौँ- नेपाली बजारमा आज सोमबार सुनको भाउ स्थिर रह्यो भने चाँदीको मूल्य घटेको छ।

आइतबार प्रतितोला चार सय रूपैयाँ घटेको सुनको भाउ आज स्थिर रहेको छ। नेपाल सुनचाँदी व्यवसायी महासंघका अनुसार, आज छापावाल सुन प्रतितोला एक लाख ७४ हजार एक सय रूपैयाँमा कारोबार भइरहेको छ। आइतबार पनि यो मूल्यमा सुनको कारोबार भएको थियो।

त्यसैगरी, सोमबार चाँदीको मूल्य घटेर प्रतितोला दुई हजार ४० रूपैयाँमा कारोबार भइरहेको छ। आइतबार चाँदीको मूल्य प्रतितोला दुई हजार ४५ रूपैयाँमा थियो, जसको तुलना गर्दा आज पाँच रूपैयाँ घटेको छ।