सम्पर्कविहीन विमानमा गोरखाका एकै परिवारका ४ जना….(भिडियो सहित)

पोखराबाट जोमसोमका लागि उडेको बेपत्ता तारा एयरको जहाजमा सवार ४ जना गोरखाका रहेको पाइएको छ । जसमा गोरखाको सहिद लखन गाउँपालिका–५ तीनमाने स्थायी ठेगाना भएका गणेशनारायण श्रेष्ठ परिवार रहेका छन ।गणेशनारायण श्रेष्ठ श्रीमती रश्मिसहित छोरीहरु रोजिना र रविना मुस्ताङ घुम्न तारा एयरमा गएको बताइएको छ । छिमेकी बिजय पुडासैनीले जनाए अनुसार श्रेष्ठ छोरीहरु अमेरिकाबाट फर्केको खुसीमा पारिवारिक घुमघामका लागि निस्केका थिए ।

श्रेष्ठ परिवारका सबैको फोन अहिले अफ रहेको बताइएको छ ।पोखराबाट आइतबार बिहान ९ः५५ बजे उडेको तारा एयरको जहाज १०ः०७ बजेदेखि सम्पर्कविहीन भएको हो जसमा तीनजना चालक दलका सदस्यसहित २२ जना यात्रु रहेका छन् ।