एसइई दिदै गर्दा एक व्यक्ति पक्राउ
मोरङमा अर्कैको नामबाट एसइई दिदै गर्दा एक व्यक्ति पक्राउ परेका छन् ।
प्रहरीले बुधबार विज्ञान विषयको परीक्षा दिने क्रममा मोरङको ग्रामथान गाउँपालिका -२ मा रहेको सरस्वती माध्यमिक विद्यालय परीक्षा केन्द्रबाट एक जनालाई पक्राउ गरेको हो ।
अर्कैको नामको परीक्षा दिइरहेको अवस्थामा सुनसरी धरान उपमहानगरपालिका वडा नं- ५ की २८ वर्षीय सुस्मिता लिम्बूलाई पक्राउ गरेको जिल्ला प्रहरी कार्यालय मोरङका डिएसपी रन्जन दाहालले बताए । उनले कल्पना लिम्बूको नामको परीक्षा दिइरहेकी थिइन् । अर्कैको नामको परीक्षा दिईरहेको अवस्थामा यसअघि रौतहट र खोटाङबाट एक-एक नक्कली परीक्षाथीलाई प्रहरीले पक्राउ गरेको थियो ।