चिरिबाबुले चलाए अख्तियार आयुक्तको घरमा डोजर

काठमाडौं– ललितपुर महानगरपालिकाले अख्तियार आयुक्तको घरमा डोजर चलाएको छ। बुधबार अख्तियार दुरुपयोग अनुसन्धान आयोगकी आयुक्त डा। सुमित्रा अमात्यको घरको पर्खालमा ललितपुर महानगरले डोजर लगाएर भत्काएको हो । ललितपुरको वडानम्बर–१० चाकुपाटस्थित अमात्यको घरमा महानगरका मेयर चिरीबाबु महर्जनको उपस्थितिमा डोजर लगाइ पर्खाल भत्काइएको हो । अमात्यको घरको कम्पाउन्ड पर्खाल मन्दिरको जग्गा मिचेर बनाइएको थियो ।

स्थानीय सम्पदा संरक्षण अभियन्ता र गुठियारले आयुक्तले घरले मन्दिरको जग्गा मिचेको उजुरी दिँदै अतिक्रमण हटाउन माग गर्दै आएका थिए। महानगरले आयुक्तको परिवार र गुठीयारसँग छलफल गर्दा पनि जग्गा खाली नगराएपछि डोजर चलाएको जनाएको छ।

घर रहेको जग्गा १५ आना ३ पैसा रहेको र यो अमात्य दम्पतीले २०७८ असोज १ गते किनेको अभिलेखबाट देखिएको छ ।