गलेश्वरधाममा सोमबार तीन लाख ३६ हजार भेटी सङ्कलन

म्याग्दी– म्याग्दीको प्रशिद्ध धार्मिक स्थल गलेश्वरधाममा यस वर्षको साउन महिना दोस्रो सोमबार तीन लाख ३६ हजार १८५ रुपियाँ भेटी सङ्कलन भएको छ । बेनी नगरपालिका–९ मा अवस्थित गलेश्वर शिवालय मन्दिरमा सोमबार भक्तजनबाट चढाइएको भेटी मङ्गलबार बिहान सरोकारावाला निकायको उपस्थितिको गलेश्वर मन्दिर परिसरमा गणना गरिएको थियो ।

गलेश्वर शिवालय क्षेत्र विकास कोषका अनुसार साउनको पहिलो सोमबार तीन लाख ७२ हजार ३७३ रुपियाँ सङ्कलन भएको थियो ।