पहिरोले बागलुङको बडिगाडमा एकको मृत्यु, तीन जना बेपत्ता

बागलुङ — सोमबार रातिदेखि परेको वर्षापछिको पहिरोले बागलुङको बडिगाडमा एक बालकको मृत्यु भएको छ । बडिगाड गाउँपालिका–९ बलघाँसका १५ वर्षीय विधान परियारको मृत्यु भएको हो ।

घर पछाडि आएको पहिरो पन्छाउन गएका परियारलाई पहिरोले पुर्दा घटनास्थलमै मृत्यु भएको प्रहरीले जानकारी दिएको छ त्यस्तै वडा नं १० को आरुपाटा भन्ने स्थानमा खसेको पहिरोले स्थाानीय जोगलाल बुढाको घर र गोठ पुरिंदा तीनजना बेपत्ता भएका छन् । बुढाको पत्नी र २ छोरी पहिरोमा परेर बेपत्ता भएका हुन् ।

घरहरु भत्केर पुरिएको सूचना पाएपछि इलाका प्रहरी कार्यालय बुर्तिवाङ र आसपासको प्रहरीको उद्धार टोली त्यसतर्फ गएको प्रहरीले जानकारी दिएको छ ।