ढलमा खसेर बेपत्ता भएकी महिला मृत फेला
काभ्रेपलाञ्चोक- काभ्रेको धुलिखेलमा ढलमा परेर बेपत्ता भएकी एक महिला मृत फेला परेकी छिन् । मंगलबार धुलिखेल नगरपालिका–५ श्रीखण्डपुरमा रहेको ढलमा परेर बेपत्ता भएकी महिला मृत भेटिएकी जिल्ला प्रहरी कार्यालय काभ्रेले जनाएको छ ।
रामेछाप खाडादेवी गाउँपालिका–३ घर भई हाल पनौती नगरपालिका– ५ नैकिनटार बस्ने वर्ष ५० की भगवती भागदास मृत भेटिएकी हुन् । प्रहरीका अनुसार बिहान १०ः४५ बजेको समयमा श्रीखण्डपुरमा रहेको ढलको मकलमा परेर उनी बेपत्ता भएकी थिइन् ।
ढलमा परेर बेपत्ता भएकी भागदासको खोजतलास गर्ने क्रममा बिहान ११ः३५ बजे करिव ३०० मिटर तल तैरिरहेको अवस्थामा शवफेला परेको प्रहरीले बताएको छ ।