गुडिरहेको मोटरसाइकलमाथि पहिरो खस्दा एकजना घाइते
काठमाडौं– ललितपुरको भट्टेडाँडामा गुडिरहेको मोटरसाइकलमाथि पहिरो खसेको छ । पहिरोका कारण एक जना घाइते भएका छन्।
मंगलबार बिहान ९ बजे बागमती गाउँपालिका–३ भट्टेडाँडाको टाकुर्चेमा गुडिरहेको मोटरसाइकलमाथि पहिरो खसेको प्रहरीले जनाएको छ । ना ५४ प १६५५ नम्बरको मोटरसाइकलमाथि पहिरो खसेको हो।
मोटरसाइकल चालक सलमान अन्सारी सामान्य छन्। मोटरसाइकल पछाडि सवार हेटौंडाका ४६ वर्षीय मुर्तुजा अन्सारीको खुट्टा फ्र्याक्चर भएको छ । उनको बिएण्डबी अस्पताल ग्वार्कोमा उपचार भइरहेको छ ।