प्रहरी श्रीमती संघको ४० औँ वार्षिकोत्सवको अवसरमा एआईजी बज्राचार्यको प्रमुख आतिथ्यतामा वृक्षारोपण
काठमाडौं– प्रहरी वृत्त कीर्तिपुरको नवनिर्मित भवन परिसरमा वृक्षारोपण कार्यक्रम सम्पन्न भएको छ । काठमाडौं उपत्यका प्रहरी कार्यालय, रानीपोखरीका प्रमुख एआईजी किरण बज्राचार्यको प्रमुख आतिथ्यतामा बिहिबार वृक्षारोपण कार्यक्रम सम्पन्न भएको हो ।
नेपाल प्रहरी श्रीमती संघको ४० औँ वार्षिकोत्सवको उपलक्ष्यमा गत साउन २६ गतेबाट वृक्षारोपण कार्यक्रम सुरु भएको थियो । वार्षिकोत्सवको पहिलो चरणको समापन कार्यक्रम अन्तर्गत उक्त वृक्षारोपण कार्यक्रम गरिएको थियो ।
कार्यक्रममा उपस्थित प्रहरी कर्मचारीलाई सम्बोधन गर्दै एआईजी बज्राचार्यले हरेक प्रहरी कर्मचारीले उच्च व्यवसायिकताका साथ सुरक्षा प्रदान गरेको खण्डमा मात्र नेपाल प्रहरीको छवि उच्च हुने बताइन् । उनले मानव अधिकारको सम्मान गर्दै नागरीक मैत्री सेवा प्रवाह गर्न समेत प्रहरी कर्मचारीलाई निर्देशन दिइन् ।
