दिपायलमा बस दुर्घटना, १७ जना घाइते

डोटी– डोटीको दिपायल सिलगढी नगरपालिका–४ समूहगाडमा यात्रुवाहक बस दुर्घटनामा परेको छ । दुर्घटनामा परेर १७ जना घाइते भएका छन् ।

धनगढीबाट दिपायलतर्फ जाँदैगरेको शैलेश्वरी यातायातको ना ५ ख ४४५१ नम्बरको बस शुक्रवार बिहान दुर्घटना भएको जिल्ला प्रहरी कार्यालयका सूचना अधिकारी भीमलाल भट्टराईले जानकारी दिएका छन् ।

दुर्घटनामा घाइते भएकाहरूको राजपुरस्थित सुजङ अस्पतालमा उपचार भइरहेको छ । बस सडकबाट करिब ३५ मिटर तल खसेको थियो ।