गाँजा खुला गरेर बेचौँ, दुई वर्षमै देशको रिण तिरिन्छ सांसद शेर बहादुर तामाङ

नेकपा एमालेका सांसद शेर बहादुर तामाङले गाँजा खुला गरेर बिक्री गर्न प्रस्ताव गर्दै यसको आमदानीबाट दुई वर्षमै बैदेशिक रिण तिर्न सकिने बताएका छन् । प्रतिनिधिसभाको आइतबारको बैठकमा स्वास्थ्य तथा जनसंख्या लगायतका मन्त्रालयको लागि विनियोजित बजेटमा खर्च कटौतीको प्रस्ताव राख्दै सांसद तामाङले गाँजा सम्बन्धि यस्तो दावी गरेका हुन् ।

उनले यस अघि नै संसदमा गाँजा सम्बन्धि गैर सरकारी विधेयक दर्ता गरेका छन् । नेपालमा क्यान्सरजस्तो प्राणघातक रोगले धेरै मान्छे मरिरहेका छन् र सम्पति सकिरहेका छन् । यसैगरी प्राणघातक रोग एचआईभी एड्सको कारण पनि मानिसको जिउन पाउने अधिकार नष्ट भइरहेको छ, उनले दाबी गरे, ुएड्स रोगका बिरामीहरूको दीर्घ जीवनको औषधि नै गाँजा हो । यस रोगका बिरामीहरूलाई तत्काल यसको व्यवस्था गरिएन भने हजारौं बिरामीहरू मर्ने खतरामा छन् ।