शिवपुरीमा हेलिकप्टर दुर्घटना, चार जनाको शव फेला

काठमाडौं– नुवाकोटको शिवपुरीमा हेलिकप्टर दुर्घटना भएको छ । शिवपुरी गाउँपालिका १ स्थित गुर्जेमा दुर्घटनामा परेको हो ।

बुधबार काठमाडौँबाट दिउँसो १ बजेर ५४ मिनेटमा रसुवाको स्याफ्रबेँसीको लागि उडेको एयर डाइनेस्टीको ९ एन एजेडी हेलिकप्टर दुर्घटना भएको हो । दुर्घटना भएको एयर डाइनेस्टीको हेलिकप्टरमा पाँच जना सवार रहेको खुलेको छ । उक्त हेलिकप्टर क्याप्टेन अरुण मल्लले उडाएका थिए । हेलिकप्टरमा तीन जना पुरुष र एक महिलासहित अन्य चार जना चिनियाँ पर्यटक सवार थिए ।

चिनियाँ पर्यटकमा जुदाड टाङ, जी लि, यियाद वु र जेमिङ सी रहेका छन् । घटनास्थलमा प्रहरी पुगेर उद्धार कार्य सुरु भइसकेको छ । हालसम्म चार जनाको शव फेला परेको बताइएको छ ।