रामगोपालपुर–२ का वडाध्यक्ष यादव मृत फेला

महोत्तरी– महोत्तरीमा एकवडाध्यक्ष मृत अवस्थामा फेला परेका छन् । रामगोपालपुर नगरपालिका–२ का वडाध्यक्ष मुकेशकुमार यादव मृत भेटिएका हुन् ।

जलेश्वर बर्दिवास सडकखण्डको बर्दिवास नगरपालिका–८ स्थित कलभर्ट छेउमा आज बिहान उनी मृत फेला परेको जिल्ला प्रहरी कार्यालय महोत्तरीका प्रवक्ता डिएसपी सन्तुलाल जयसवारले जानकारी दिए ।

यादवको शव नजिकै लु.प्रदेश ०१–००१ प ६३६२ नम्बरको मोटरसाइकल पनि दुर्घटनाग्रस्त अवस्थामा भेटिएको छ । मोटरसाइकल कलभर्टमा ठोक्किएर दुर्घटना भएको जस्तो देखिएको प्रहरीले जनाएको छ । घटनाबारे थप अनुसन्धान गरिरहेको प्रहरीले जनाएको छ ।