झन्डै एक दर्जन फन्का मारेपछि बल्ल अवतरण गर्न दिइयो थाइ एयरको जहाज

काठमाडौं– नेपालमा उडान अनुमतिको म्याद सकिएको थाई एयर एसियाको जहाजलाई त्रिभुवन अन्तर्राष्ट्रिय विमानस्थल अवतरण गर्न अनुमति दिइएको छ । उक्त जहाज साँढे दुई बजेतिर काठमाडौंमै अवतरण गर्न अनुमति दिइएको हो ।

उक्त जहाज बैंककबाट बिहान ११ः ५० बजे काठमाडौंको लागि छुटेको थियो । दिउँसो २ बजे काठमाडौंमा सो हजाज आइपुगेको थियो । तर अवतरण अनुमति सकिएको जहाज लिएर आएपछि उक्त जहाज आकाशमै यात्रुसहित ‘होल्ड’ हुन पुगेको थियो ।

उक्त जहाजसँग नेपालमा उडान गर्ने अनुमति शनिबार नै सकिएको भन्दै विमानस्थलमा अवतरण हुन दिइएको थिएन । जहाज डाइभर्ट हुनुपर्ने नेपालमा बस्न नमिल्ने भन्दै अवतरण हुन दिइएको थिए ।

आकाशमै होल्ड भएर करिब एक दर्जन फन्को लगाएपछि उक्त जहाजले अवतरण अनुमति पाएको छ । जहाजमा रहेका यात्रुको सुरक्षा र मानवीयताका आधारमा जहाजलाई काठमाडौंमा अवतरण अनुमति दिइएको त्रिभुवन विमानस्थलका महाप्रबन्धक जगन्नाथ निरौलाले बताएका छन् ।