सरकारको सय दिनः ४८ जना गर्भवती तथा सुत्केरीको हवाई उद्धार

काठमाडौं– सरकारले एक सय दिनमा ज्यान जोखिममा परेको दुर्गम क्षेत्रका ४८ जना गर्भवती तथा सुत्केरीको हवाई उद्धार गरेको छ । महिला, बालबालिका तथा ज्येष्ठ नागरिकमन्त्री नवलकिशोर सुडीले सय दिनको उपलब्धि सार्वजनिक गर्दै ४८ जना महिलाको उद्धार गरेको जानकारी गराएका हुन् ।

मन्त्रालयका सचिव दिनेश भट्टराईले राष्ट्रपति महिला सशक्तीकरण परियोजनाअन्तर्गत दुर्गम क्षेत्रका गर्भवती तथा सुत्केरी महिलाको हवाई उद्धारमा सरकार सधैँ चनाखो रहेको दाबी गरे । उनले कहिलेकाहीँ सेनाको हेलिकप्टर नपाउँदा वैकल्पिक व्यवस्था गरेर भए पनि सेवा प्रदान गर्दै आएको बताए।