‘मायावी’को पोस्टरमा दीपिकासँग पलको दुई रुप

नायक पल शाह र नायिका दीपिका प्रसाँइलाई मात्र स्थान दिदै फिल्म ‘मायावी’को दुई पोस्टर सार्वजनिक गरिएको छ ।

फागुनको १४ गतेबाट रिलिजमा आउन लागेको यो फिल्ममा दिवाकर भट्टराइको लेखन तथा निर्देशन छ ।

एक पोस्टरमा पल दीपिकासँग रोमान्टिक देखिएका छन् भने अर्को एक पोस्टरमा पल भावुक देखिएका छन् । दुई पोस्टरबाट फिल्मले प्रेम र पीडाको भाव व्यक्त गर्ने वुझ्न सकिन्छ ।

यो फिल्ममा क्रियटिम सिने आर्टस् र नेम महर्जनको लगानी छ । फिल्ममा ध्रुव न्यौपाने, राज कटुवाल र चन्द्र पन्त निर्माताको रुपमा छन् । साथै, फिल्ममा राजु पराजुली र सुमित वली सह–निर्माताको रुपमा छन् ।

फिल्ममा पल र दीपिकाको साथा सुशिल सिटौला, करिश्मा श्रेष्ठ र नव–कलाकार समीम खानको अभिनय छ । साथमा फिल्ममा राजाराम पौडेल, प्रशान्त ताम्राकार, लक्ष्मी गिरी, अंशु महर्जन, रवि डंगोल, रमा प्रसाँई, दीपेन्द्र सिम्खडा, संगीता सिलवाल लगायतका कलाकारहरुको पनि अभिनय छ । यो फिल्मको कार्यकारी निर्माता प्रविन भट्टराई र करण सिंह हुन् ।

फिल्ममा मिलन श्रेष्ठको सम्पादन, बसन्त अधिकारीको सह–निर्देशन, शम्भुजित बास्कोटा र एसडी योगीको संगीत, कविराज गहतराज र प्रविण सिंहको कोरियोग्राफी छ । राकेश दाहालले पोस्टरको डिजाइन गरेका हुन् । विकास खतिवडाले पोस्टरका लागि फोटोसुट गरेका हुन् ।

नेपालमा लभ स्टोरी फिल्मको निर्माण कम भइरहेको समयमा ‘मायावी’ दर्शकका लागि प्रतिक्षित बनेको छ । यो फिल्मले प्रेम, विछोड र मित्रताको कथा भन्छ ।