चैत्रको २२ गतेबाट रिलिजमा आउन लागेको फिल्म ‘बसन्त’को पहिलो गीत ‘साँझ पर्यो झमक्कै’ सार्वजनिक गरिएको छ । प्रकाश सपुतको कथा, संगीत र निर्देशनमा तयार भएको यो फिल्मको पहिलो गीतमा प्रकाश र नायिका स्वस्तिमा खड्का मुख्य भूमिकामा छन् ।
सार्वजनिक गीतको भिडियोमा प्रकाश र स्वस्तिमाको साथमा खगेन्द्र पुन, प्रभात पल, श्री सिभान्सी लगायतका कलाकारहरुको अभिनय छ ।
यो गीतको भिडियोलाई मौसम हिमालीले कोरियोग्राफी गरेका हुन् । सार्वजनिक गीतमा प्रकाश सपुत र शान्तीश्री परियारको स्वर छ । सुनिल वीक मुख्य सहायक निर्देशक रहेको यो फिल्मले वि.सं २०५२ सालदेखि वि.सं २०६३ सालसम्मको कथा भन्छ ।
मोहन विश्वकर्मा र विन्दु बोहराको लगानीमा तयार भएको यो फिल्ममा अनुरोध भट्टराई, नाना थकाली र विरेन्द्र नारायण श्रेष्ठ कार्यकारी निर्माताको रुपमा छन् ।
फिल्ममा मौसम हिमाली, केविका खत्री र सुभाष श्रेष्ठको कोरियोग्राफी छ । प्रविण भट्टको सम्पादन रहेको फिल्ममा सुशन प्रजापतिको छायांकन छ । यो फिल्मले बक्स अफिसमा आक्रामक कमाई गर्ने अपेक्षा गरिएको छ ।
प्रतिक्रिया